Prezident R. T. Erdogan anna güni Britaniýanyň Premýer-ministri Keir Starmer bilen telefon arkaly söhbetdeşlik geçirdi.
Erdogan bilen Starmer telefon söhbetdeşliginde özara gatnaşyklar bilen birlikde sebitara we halkara meseleler hakynda pikir alyşdy.
Prezident Erdogan, Starmere BMG-nyň Baş Assambleýasynyň şu ýylky sessiýasynyň Palestin meselesiniň iki döwletli çözgüde esaslanmagy üçin edilýän tagallalar taýdan netijeli geçendigini aýtdy.
Britaniýanyň Palestin döwletini ykrar etmek baradaky karary sebäpli Starmern gutlan Erdogan, Britaniýa we Fransiýa ýaly BMG-nyň Howpsuzlyk geňeşiniň agzalarynyň Palestin döwletini ykrar etmeginiň “taryhy wakadygyny” nygtady.
Palestine berilýän goldawyň dowam etdirilmelidigini nygtan Erdogan, Netanýahunu durdurmak üçin edilýän basyşlaryň artdyrylmalydygyny we berk çäre görülmelidigini belledi.
Britaniýa ýekşenbe güni Palestin döwletini ykrar edýändigini mälim edipdi.
Britaniýa şeýlelikde Palestin döwletini ykrar eden 150-den gowrak ýurduň hataryna goşuldy.
Britaniýanyň Premýer-ministri Keir Starmer, Nýu-Ýorkda geçirlen BMG-nyň Baş Assambleýasyndan öň beren beýannamasynda, “Ýakyn Gündogardaky wagşyçylyga garşy parahatçylyk we durnuklylyk üçin iki döwletli çözgüde goldaw bermek üçin herekete geçýäris” diýdi.
