Peru, ozalky Prezident Pedro Katillonyň 2022-nji ýyldaky agdarlyşyk synanşygyna goşulşandygy hakynda öňe sürülýän garaýyş barada başladylan derňew işine garamazdan ozalky premýer-ministre başpenalyk hukugyny beren Meksika bilen diplomatik gatnaşyklaryny kesdi.
Perunyň Daşary işler ministri Hugo da Zela duşenbe güni beren beýannamasynda “Şu gün ozalky premýer-ministr Çaweziň, ozalky Prezident Pedro Kastillonyň agdarlyşyk synanşygyndaky şärigi hökmünde Meksikanyň ilçihanasyndan başpenalyk hukugyny alandygyny öwrendik” diýdi.
Zela, Çaweze başpenalyk hukugynyň berilmegi etabynyň başladylmagyny “dostlykly gatnaşyklara bap gelmeýän hereket” hökmünde häsiýetlendirdi.
Hugo da Zela “Perunyň hökümeti şu günden başlap Meksika bilen diplomatik gatnaşyklarynyň kesilmegi barada karar kabul etdi” diýdi.
Oba mekdebinde mugallym bolup işlän we kärdeşler arkalaşygynyň agzasy Kastillo “Perunyň ilkinji ýoksul prezidenti” hökmünde bilinýärdi.
2022-nji ýylda dekabr aýynda birnäçe aý dowam eden syýasy krizisden soň Kongresiň işini bes etmäge synanşandygy sewäpli wezipesinden boşadyldy.
Kastillonyň wezipesinden boşadylmagy sebäpli Lima bilen Meksikanyň arasyndaky gatnaşyklar dartgynlaşýar.
Peru Meksikanyň Kastillonyň aýalyna we çagalaryna başpenalyk hukugynyň berilmeginden soň Meksikanyň ilçisini ýurtdan çykarýar.
