Prezidentiň ýanyndaky Kommunikasiýalar edarasy tarapyndan Stambul şäherinde 27-nji martda şu ýyl bäşinjisi geçirlen Halkara Strategik aragatnaşyk sammitiniň çäginde Türkiýe Respublikasynyň Kommunikasiýalar edarasy bilen Azerbaýjan Respublikasynyň Media Galkynyş gullugynyň arasynda ylalaşyk teswirnamasy baglaşyldy.

Ylalaşyk teswirnamasyna Prezidentiň ýanyndaky Kommunikasiýalar edarasynyň başlygy Prof. Dr. Burhanettin Duran bilen Azerbaýjan Respublikasynyň Media Galkynyş gullugynyň başlygy Ahmed Ismaýilow gol goýdy.

Türkiýe-Azerbaýjan Bilelikdäki Media platformasynyň çäginde Bilelikdäki İş komissiýasynyň we komitetleriň gurulmagy baradaky ylalaşyk teswiramasy, sanly we sosial media, strategik aragatnaşyk we krizis dolanşygy ýaly ugurlarda Türkiýe bilen Azerbaýjanyň arasyndaky hyzmatdaşlygyň güýçlendirilmegini göz öňünde tutýar.

Ylalaşyk teswirnamasy bilen taraplar, Türkiýe-Azerbaýjan Bilelikdäki Media platformasynyň çäginde Bilelikdäki İş komissiýasynyň we komitetleriň gurulmagy boýunça ylalaşyk gazandy.

Türkiýe-Azerbaýjan Bilelikdäki Media platformasy 2020-njy ýylyň 10-njy dekabrynda Prezident R. T. Erdoganyň Azerbaýjana guran saparynyň dowamynda gol çekişilen “Türkiýe bilen Azerbaýjanyň arasynda Media boýunça strategiýa taýdan hyzmatdaşlyk edilmegini göz öňünde tutýan ylalaşyk teswirnamasynyň”çäginde gurlupdy.

Platforma iki ýurduň köpçülikleýin habar beriş serişdeleriniň arasyndaky utgaşyklygy güýçlendirmegi, halka dogry maglumat berilmegini üpjün etmegi we dezinformasiýa garşy bilelikdäki göreşi maksat edinýär.