Russiýanyň Prezidentiniň Ykdysadyýetden jogapkär ýörite wekili Kirill Dmitriýew, Moskwa bilen Waşingtonyň Bering bogazynyň aşagyndan geçjek tuneliň gurluşygy meselesinde iki ýurduň arasynda gepleşikleriň başlandygyny aýtdy.
Kirill Dmitriýew anna güni X sosila media paltformasy arkaly beren habarnamasynda “Tunel meselesi boýunça gepleşikler başlady” diýdi.
Gepleşikler Russiýanyň maýa goýum gaznasy tarapyndan alnyp barylýar.
ABŞ-nyň Prezidenti Donald Tramp anna güni Ak Tamda Ukrainanyň Prezidenti Zelenskiý bilen bolan duşuşygynda, Russiýa bilen ABŞ-ny demirýoly arkaly birleşdirjek Bering bogazynyň aşagyndan geçjek taslamany “täsin” hökmünde häsiýetlendiripdi.
Kirill Dmitriýew döwrebap tuneliň gurluşygynyň 8 ýyla golaý dowam etmegine we gymmatynyň 8 milliard dollardan az bolmagyna garaşylýandygyny belledi.
Taslama “Putin-Tramp tuneli” adyny beren Kirill Dmitriýew, taslamanyň iki ýurduň ykdysady taýdan galkynyşyna goşant goşjakdygyny we uly iş mümkinçiligini döretjekdigini nygtady.
