Ysraýylyň Çanel 12 teleýaýlymy, Palestinli söweşjeň topar Hamasyň ysraýylly ýesirleri boşatmaga başlandygyny habar berdi.
Hamas, duşenbe güni ylalaşygyň çäginde ysraýylly 7 ýesiri Gazadaky Hyzylhaç guramasyna tabşyrdy.
Habara görä, ysraýylly 13 ýesir hem Gazanyň merkezinde halkara wagt boýunça sagat 07-00-da boşadylar.
Ysraýylyň harby goşuny, Gyzylhaç kerweniniň Hamas tarapyndan boşadyljak ýesirleriň birinji tapgyryny almak üçin ugrandyklaryny mälim etdi.
Ertiriň irki sagatlarynda Hamasyň Kassam atly ýaragly topary, Gaza ylalaşygynyň çäginde ysraýylly 20 ýesiriň boşadylmagy barada karar kabul edendiklerini mälim etdi.
Hamas boşadyljak ysraýylly ýesirleriň sanawyny çap etdi.
Karara görä Elkana Bohbot, Maran Angrest, Awinatan Or, Ýosef-Haim Ohana, Alon Ohel, Ewýatar Dawud, Gur Gilboa-Dalal, Rom Braskawskiý, ekiz Gali we Ziw Berman, Eitan Mor, Segew Kalfon, Maksim Herkin, Eitan Horn, Bar Kupershtein, Omri Miran we doganlar Dewid Kunio bilen Ariel Kunio boşadylar.
Ysraýylyň köpçülikleýin habar beriş serişdeleri ýesirleriň iki tapgyrda boşadyljakdygyny mälim etdi.
Ysraýyly ýesirleriň bir bölegi ikinji tapgyryň çäginde ýerli wagt boýunça sagat 10.00-da boşadylar.
Palestinliler hem Ysraýylda tussaglykda saklanýan ýüzlerçe adamyň boşadylmagyna garaşýar.
Beýleki tarapdan ABŞ-nyň Prezidenti Donald Trampyň we Müsüriň Prezidenti Sisiniň ýolbaşçylyk etmeginde Şarm Al-Şeýh şäherinde geçiriljek halkara Gaza sammitine Türkiýäniň Prezidenti R. T. Erdogan, Fransiýanyň Prezidenti Emmanuel Makron, Iordan Şasy Abdullah II, Bahreýniň Şasy Hamad bin Isa Al Halife, Britaniýanyň Premýer-ministri Keir Starmer, Ispaniýanyň Premýer-ministri Pedro Sançes, Italiýanyň Premýer-ministri Meloni, Pakistanyň Premýer-ministri Şahbaz Şerif we Germaniýanyň Federal Kansleri Merz bilen birlikde 20-den gowrak ýurduň lideriniň gatnaşmagyna garaşylýar.
