Türkiýe Respublikasynyň Prezidenti R. T. Erdogan, Eýranyň Prezidenti Mesud Pezeşkiýan bilen telefon arkaly söhbetdeşlik geçirdi.
Erdogan bilen Pezeşkiýan telefon söhbetdeşliginde Türkiýä atylan we hatardan çykarlan ballistiki raketa bilen birlikde sebitde başdan geçirilýän soňky wakalar hakynda pikir alyşdy.
Prezidentiň ýanyndaky Kommunikasiýalar edarasyndan berlen beýannama görä, Erdogan duşenbe güni Pezeşkiýana Türkiýäniň howa giňişliginiň bozulmagynyň kabul edilmesizdigini we Türkiýäniň şuňa meňzeş hereketleriň öňüni almaga dowam etjekdigini aýtdy.
Erdogan Türkiýäniň Milli Goranmak ministrliginiň duşenbe güni Eýrandan atylan we Türkiýäniň howa giňişligine giren ballistiki raketanyn Gündogar Ortaýer deňzinde NATO-nyň howa goranyş ulgamlary arkaly hatardan çykarylmagyndan soň eýranly kärdeşi bilen telefon arkaly söhbetdeşlik geçirdi.
Prezident Erdogan çaknyşyklaryň Türkiýä ýaramaz täsirini ýetirýändigini aýtdy.
Eýrana guralýan hüjümlere garşydyklaryny aýdan Erdogan, Eýranyň sebit ýurtlaryny nyşana almagynyň dogry bolmandygyny, doganlyk ýurtlaryň nyşana alynmagynyň hiç kime peýdasynyň bolmajakdygyny nygtady.
Uly gynanç bildirildi
Prezident R. T. Erdogan telefon söhbetdeşliginde dartgynlygyň diplomatiýa arkaly çözülmegi üçin Türkiýäniň uly tagalla edýändigini belledi.
Erdogan Eýranyň günortasynda ýerleşýän Menab etrabynda mekdebe guralan hüjümde çagalar bilen birlikde asuda ilatyň ýogalmagyna uly gynanç bildirýändigini aýtdy.
ABŞ-nyň Goranmak ministrligi hüjüm hakynda derňew işiniň gozgalandygyny mälim etdi.
Ysraýyl bolsa waka bilen arabaglanşygynyň ýokdygyny öňe sürýär.
ABŞ bilen Ysraýylyň 28-nji fewraldan bäri Eýrana guraýan bilelikdäki hüjümlerinde dini lider Ali Hamenei bilen birlikde ýokary derejeli birnäçe ýolbaşçynyň öldürlendigi nygtaldy.
Eýranyň dini lideri Ali Hamenei üçin gynanç bildiren Prezident Erdogan, Mojtaba Hameneiniň täze dini lider hökmünde saýlanmagynyň sebit ýurtlary taýdan düşümli bolmagyny diledi.
Türkiýäniň howa giňişligine Eýrandan raketanyň atylmandygyny aýdan Pezeşkiýan, mesele bilen arabaglanşykly derňewiň geçiriljekdigini nygtady.
