Prezidentiň ýanyndaky Kommunikasiýalar edarasy tarapyndan anna güni berlen beýannama görä, Prezident R. T. Erdogan, Russiýanyň Prezidenti Wladimir Putin bilen bolan duşuşygynda Russiýa-Ukraina söweşiniň bes edilmegi üçin geçirilýän parahatçylyk gepleşikleri bilen ýakyndan gyzyklanýandygyny aýtdy.
Prezident Erdogan Ankaranyň şol gepleşiklere ýer eýeçiligini edip biljekdigine ünsi çekdi.
Erdogan bilen Putin Türkmenistanyň paýtagty Aşgabatda geçirlen Halkara parahatçylyk we ynanyşmak forumyň çäginde özara duşuşyk geçirdi.
Iki lider duşuşykda özara gatnaşyklar bilen birlikde Russiýa-Ukraina söweşiniň bes edilmegi üçin edilýän tagallalar hakynda pikir alyşdy.
Prezident Erdogana iş saparynyň çäginde Daşary işler ministri Hakan Fidan, Energetika we tebigy serişdeler ministri Alparslan Baýraktar, Milli howpsuzlyk gullugynyň başlygy Ibrahim Kalyn, Kommunikasiýalar edarasynyň başlygy Burhanettin Duran bilen birlikde Adalat we ösüş partiýasynyň başlygynyň orunbasary Halit Ýerebakan ýoldaşlyk etdi.
Erdogan söweşiň adalatly we yzygiderli ýagdaýda bes edilmegi üçin edilýän tagallalaryň möhümdigini nygtady, iki tarapyň hödürlenen teklipler boýunça ylalaşyk gazanyp biljekdigini belledi.
Prezident Erdogan esasan energetika desgalarynyň we portlaryň nyşana alynmazlygy boýunça gazanyljak ylalaşygyň diýseň möhümdigine ünsi çekdi.
Kommunikasiýalar edarasyndan berlen beýannama görä, Prezident Erdogan, Ankaranyň söweşiň bes edilmegi üçin edilýän tagallalar bilen ýakyndan gyzyklanýandygyny we parahatçylyk gepleşiklerine ýer eýeçiligini etmäge taýardygyny nygtady.
Russiýanyň Prezidenti Wladimir Putin Halkara parahatçylyk we ynanyşmak forumynda eden çykyşynda döwletlara gatnaşyklaryň BMG-nyň ýörelgeleri bilen utgaşykly ýagdaýda alnyp barylmagynyň möhümdigini nygtady we Türkmenistanyň alyp barýan deňagramly daşary syýasaty we sebitiň durnuklylygyna goşýan goşandy hakynda öwgüli sözler aýtdy.
Halkara parahatçylyk we ynanyşmak forumyna gatnaşmak üçin Aşgabada giden Prezident Erdoganyň iş saparynyň çäginde Türkmenistanyň Prezidenti Serdar Berdimuhamedow bilen birlikde beýleki döwlet we hökümet baştutanlary bilen özara duşuşyk geçirdi.
