Siriýanyň harby goşuny birnäçe günden bäri dowam edýän çaknyşyklaryň bes edilmegini maksat edinýän ylalaşygyň şertlerini ýerine ýetirmeýän ÝPG-ä agza terrorçylaryň ýurduň demirgazygynda ýerleşýän Şyh Maksud etrabyna ornaşmagy sebäpli hüjümlerine gaýtadan başlady.
TRT Worlddan Nizar Sadawiniň berýän habaryna görä, operasiýa şenbe güni ir ertir başlady.
ÝPG terrorçylary, hökümetiň asuda ilatyň hereketli zolaklardan çykarylmagy üçin gumanitar geçelge açandygyna garamazdan sebitden çykmagy kabul etmedi.
Siriýanyň harby goşuny köçä çykmagy gadagan etdi we sebiti “ýapyk harby zolak” hökmünde yglan etdi.
SANA habarlar gullugynyň berýän habaryna görä, harby goşun anna güni ýerli wagt bilen 18.30-da, halkara wagt boýunça 15.30-da köçä çykmagy gadagan etdi.
Siriýanyň harby goşuny Eşrefiýe we Bani Zeýd etraplaryny terrorçylardan saplady.
Gumanitar geçelge
Siriýanyň harby goşuny anna güni asuda ilatyň Şyh Maksutdan we Halabyň beýleki etraplaryndan çykarylmagy üçim gumanitar geçelge açandygyny we ÝPG terrorçylaryna ýaraglaryny taşlamagy üçin çagyryş edendigini mälim edipdi.
Halapdaky çaknyşyklar sişenbe güni ÝPG terrorçylarynyň Eşrefiýe we Şyh Maksutda ilaty ýerlere we harby merkezlere guran hüjümleri bilen başlady.
Soňky rezmi görkezijilere görä, çaknyşyklarda 9 adam ýogaldy, 55 adam ýaralandy.
Iki etrapdan jemi 165 müň adam başga sebitlere göçürildi.
Siriýanyň hökümeti 2024-nji ýylyň ahyrynda Başar Asadyň wezipesinden çetleşdirilmeginden soň milli howpsuzlygyň ýola goýulmagy üçin uly tagalla edýär.
