Merkezi Saýlaw Komissiýasy duşenbe güni Gazagystanyň täze konstitusiýasynyň sesleriň 87,15 göterimi bilen kabul edilendigini yglan etdi.
Saýlaw komissiýasy referendumda saýlawçylaryň gatnaşygynyň 73,12 göterim bolandygyny habar berdi.
Ýurduň parlamentini ýönekeýleşdirjek täze konstitusiýa 1996-njy ýylda ýatyrylan wise-prezident wezipesini dikeltdi. Ol prezidente wise-prezidenti we beýleki köp sanly möhüm resmileri bellemek ygtyýarlygyny berýär.
Konstitusiýanyň çalt taýýarlanylmagy Gazagystandaky käbir bilermenleriniň prezident Kasym-Jomart Tokaýewiň wise-prezident wezipesine mirasdüşer birini belläp, möhletinden öň wezipesinden çekilmegi ýa-da täze konstitusiýa bilen möhlet çäklendirmelerini täzeden kesgitläp, wezipesinde galmagy göz öňünde tutýandygyny aýtmaklaryna sebäp boldy.
Tokaýew paýtagt Astanada ses berenden soň, konstitusiýanyň häkimiýetiň üýtgemegini ýeňilleşdirip-ýeňilleşdirmejekdigi bilen bagly çykyş edip, indiki prezident saýlawlarynyň 2029-njy ýylda, ýagny öz möhleti tamamlananda geçiriljekdigini aýtdy.
