Saglygy goraýyş guramalarynyň resmileriniň beren maglumatlaryna görä, sişenbe agşamdan bäri Ysraýylyň howa hüjümlerinde 24-si çaga azyndan 91 palestinaly öldi. Resmiler hüjümleriň bar bolan ot açmagy bes etmek baradaky ylalaşygyň aç-açan düzgün bozulmasydygyny habar berdiler.

Gazadaky saglygy goraýyş guramalarynyň resmileri çarşenbe güni Ysraýylyň harby güýçleriniň "sary liniýa" sebitinde ýerleşýän öýleri, ulaglary, bosgun çadyrlaryny we hassahanany nyşana alandygyny habar berdiler.

Hamas beren beýanatynda ABŞ-nyň araçylyk etmeginde 10-njy oktýabrda güýje giren ok atyşygy bes etmek baradaky şertnama ygrarlylygyny tassyklady. Bu meýilnama uruşda weýran bolan ýerleri täzeden dikeltmegi, Gazany durnuklaşdyrmagy we Hamasyň gönüden-göni gözegçiligi bolmazdan täze dolandyryş ulgamyny döretmegi maksat edinýär.

Netanýahu "güýçli hüjümleriň guralmagy" barada buyruk berdi

Ysraýylyň premýer-ministri Benýamin Netanýahu ysraýylly esgeriň öldürilmeginden soň ok atyşlygy bes etmeklik baradaky ylalaşyga garamazdan, Gaza "güýçli hüjümleriň guralmagy" barada görkezme berdi.  

ABŞ-nyň prezidenti Donald Tramp çarşenbe güni Ysraýylyň dowam edýän hüjümlerine garamazdan, ok atyşlygy bes etmekligiň "howp astynda däldigini" yglan edipdi.

2023-nji ýylyň oktýabr aýyndan bäri Ysraýyl - aglabasy zenanlardan we çagalardan ybarat 69 müň adamy öldürdi, we 170 müň 500-den gowrak adamy ýaralady.

Ysraýylyň hüjümleri Gaza zolagynyň uly bölegini haraba öwürdi we ilatyň ählisini diýen ýaly göçürdi.