Döwlet resmîsinin “Reýter” habarlar gullugyna beren maglumatyna görä ABŞ-nyň Prezidenti Donald Tramp anna güni Ak Tamda Ermenistanyň we Azerbaýjanyň liderlerini ýaraşyk gepleşikleri üçin kabul eder.
Döwlet resmisi sişenbe güni beren beýanatynda ýaraşyk ylalaşygy boýunça çarçuwanyň anna güni geçiriljek maslahatda beýan edilmeginiň mümkindigini nygtady.
“Waşington Post” gazeti gepleşikler hakyndaky habarlary ilkinji bolup çap eden neşirýat organy boldy.
Azerbaýjan bilen Ermenistanyň gatnaşyklary 1991-nji ýylda ermeni goşunlarynyň halkara arenada Azerbaýjana degişlidigini ykrar edilýän Garabagy we Kelbejer bilen bilelikde ýedi sebiti basyp almagy sebäpli dartgynlaşypdy.
Sebitiň esasy bölegi 2020-nji ýylyň güýzünde 44 gün dowam eden söweşde Azerbaýjan tarapyndan azat edildi.
Azerbaýjan şeýle hem 2023-nji ýylyň sentýabrynda sebitdäki separatist güýçleriň boýun egmeginden soň Garabagda doly hökmürowanlygy ýola goýdy.
Ýurtlaryň liderleri iýul aýynda Abu Dabida gepleşik geçirmek üçin duşuşypdy.
