Ysraýylyň howpsuzlyk güýçleri hüjümleriň bes edilmegi boýunça gazanylan ylalaşyga garamazdan anna güni ir ertir Han Ýunusa we Gaza bombaly hüjüm guraldy.

Palestiniň resmi WAFA habarlar gullugynyň berýän habaryna görä, Han Ýunusyň Al Katiba etrapçasyna uçarmansyz howa ulagy bilen hüjüm guraldy.

Gazanyň gündogary topçu hüjümine sezewar boldy.

Anna güni ir ertir Ysraýylyň Premýer-ministrligi tarapyndan berlen beýannamada Ysraýylyň hökümetiniň Gazadaky söweşiň bes edilmegi we palestinli toparlar bilen ýesir çalşygy meselesinde gazanylan ylalaşygy tassyklandygy nygtaldy.

Ysraýylyň köpçülikleýin habar beriş serişdelerine görä, ylalaşyk güýje girdi.

ABŞ-nyň Prezidenti Donald Tramp 29-njy sentýabrda taraplara Gaza üçin 20 maddalyk ylalaşyk meýilnamasyny hödürläpdi.

Meýilnama ysraýylly ähli ýesirleriň we palestinli 2 müň tussaglynyň boşadylmagyny, yzygiderli parahatçylygyň ýola goýulmagyny we Ysraýylyň howpsuzlyk güýçleriniň tapgyrlaýyn ýagdaýda dolulygyna Gazadan çekilmegini öz içine alýar.

Meýilnamanyň ikinji tapgyry, Gazada Hamasyň gatnaşmazlygynda täze dolanşyk ulgamynyň gurulmagyny, palestinliler bilen arap we musulman ýurtlaryň esgerlerinden ybarat howpsuzlyk güýjiniň sebite ornaşdyrylmagyny we Hamasyň ýaragsyzlandyrylmagyny göz öňünde tutulýar.

Arap we musulman ýurtlar meýilnama goldaw berýändiklerini mälim ettdi.