BMG: “Ysraýyl Gaza ynsanperwer kömeginiň ýetirilmegini bökdemäge dowam edýär”
BMG ylalaşyga garamazdan ynsanperwer kömeginiň çäklendirlendigini we Gazadaky ekin meýdanlaryna uly zeper ýetirlendigini mälim etdi.
BMG tarapyndan anna güni berlen beýannamada, Ysraýylyň ylalaşyga garamazdan Gaza ynsanperwer kömeginiň ýetirilmegini çäklendirendigini mälim etdi.
Ekin meýdanlaryna uly zeper ýetirlendigi we azyk önümçiligiň bes edilmegiň bäri ýanyna çenli gelendigi bellenildi.
BMG-nyň Ynsanperwer kömek işlerinden jogapkär gullugyna ünsi çeken, BMG-nyň metbugat sekretary Farhan Hag, Nýu-Ýorkda metbugata beren beýannamasynda “Ynsanpara gyssagly has köp ynsanperwer kömegi berilmeli” diýdi.
Hag, “Duşenbe gününe çenli BMG we ýaranlarymyz, Gaza serhedine azyk önümleriniň başda durmagynda 37 müň tonnadan gowrak ynsanperwer kömegini getirdi” diýdi.
Hag emma ynsanperwer kömeginiň diňe iki geçelgeden Gaza girmegine rugsat berilýändigine ünsi çekdi.
BMG-nyň metbugat sekretary Farhan Hag, Ysraýyldan Gazanyň demirgazygyna ýada Müsürden Gazanyň günortasyna geçmegiň mümkin däldigini belledi.
Ynsanperwer kömeginiň halka ýetirilmeginiň depgini gowşaýar
Hag, käbir önümleriň we jemgyýetçilik guramalarynyň hünärmenleriniň Gaza girmegine rugsat berilmeýändigini we munyň ynsanperwer kömeginiň halka ýetirilmeginiň depgininiň gowşamagyna sebäp bolýandygyny aýtdy.
“Öýlerini terk edenleriň sany diýseň köp we olar wagtlaýyn çadyrlarda ýaşaýar” diýen Hag, ýerli azyk önümçiligiň gaty kyndygyny belledi.
BMG-nyň taýarlan habarnamasyna görä, Gazadaky ekin meýdanlarynyň diňe 13 göterimine zeper ýetirilmändir.
Ysraýylyň hüjümleri sebäpli ekin meýdanlarynyň zeýtun baglarynyň we miwe agaçlarynyň 89 göterime golaýyna zeper ýetirildi.
Ýerli ýolbaşçylara görä, Ysraýylyň Gaza 13 aýdan bäri guraýan hüjümlerinde 69 müňden gowrak adam ýogaldy, esasy bölegi zenanlardan we çagalardan ybarat 170 müň 600-den gowrak adam hem ýaralandy.