Wise-prezident Jewdet Ýylmaz saparynyň ilkinji gününde Ata-Beýit Milli taryh we ýadygärlik kompleksinde ýerleşýän Ürkün ýadygärligini we gyrgyz ýazyjy Çingiz Aýtmatowyň guburyny zyýarat eder. Gyrgyzystanyň Prezidenti Sadyr Japarow tarapyndan kabul ediljek Wise-prezident Jewdet Ýylmaz, Gyrgyzystan-Türkiye Manas uniwersitetiniň açylyşynyň 30 ýyllyk ýubileý konsertine gatnaşar we Gyrgyzystanyň paýtagty Bişkek şäherinde türk işewür adamlar bilen duşuşyk geçirer.
Wise-prezident Jewdet Ýylmaz saparynyň 2-nji güni bolan 18-nji sentýabrda Bişkek şäherinde Gyrgyzystanyň Ministrler kabinetiniň başlygy Adylbek Kasymaliýew bilen duşuşyk geçirer, Türkiye-Gyrgyzystan 12-nji Bilelikdäki ykdysady komissiýanyň maslahaty bilen Bilelikdäki Ykdysady komissiýanyň protokolyna gol çekmek dabarasyna gatnaşar.
Şol gün Türkiye-Gyrgyzystan Işewürler forumyna gatnaşjak Jewdet Ýylmaz, Gyrgyzystan-Türkiye Manas uniwersitetine baryp görer, Türki Döwletleriň Guramasyna agza döwletleriň Hökümet baştutanlarynyň/Wise-prezidentleriň maslahatyna gatnaşar we şol çäkde Gyrgyzystanyň Prezident Sadyr Japarowyň gatnaşmagynda geçiriljek umumy maslahata gatnaşar.
