ÝB Wenesuelada wezipesine girişen wagtlaýyn Prezident Delsi Rodriguezi ykrar etmejekdigini, emma ýurduň ýolbaşçylary bilen çäkli gatnaşyklaryny dowam etdirjekdiklerini aýan etdi.

ÝB Komissiýasynyň metbugat sekretary Anitta Hipper, sişenbe güni Brýusselde beren beýannamasynda, Bileleşigiň Wenesuela baradaky tutumynyň üýtgemändigini mälim etdi we häzirki hökümetiň demokratik düşünjeden mahrumdygyny aýtdy.

Hipper, ÝB-niň Wenesueladaky häzirki hökümetiň halkyň demokratiýa islegine sarpa goýmaýandygyny belledi.

ÝB-niň Wenesuelada demokratiýanyň tarapdary bolan ähli aktýorlary öz içine alýan giň gerimli syýasy diýaloga goldaw berýändigini nygtan Hipper, bu etabyň demokratik ýagdaýda saýlanan oppozisiýanyň wekillerini hem öz içine almalydygyna ünsi çekdi.

ÝB-niň metbugat sekretary Bileleşigiň Nikolas Maduronyň we Delsi Rodrigueziň legallygyny ykrar etmeýändigini, emma muňa garamazdan ÝB-niň öz bähbidini we esasy ýörelgelerini goramak maksady bilen çäkli ýagdaýda gatnaşyk etmäge dowam edýändigini ýatlatdy.

ÝB-niň Rodrigueziň wagtlaýyn prezident hökmünde kasam edip wezipesine girişmeginden soň Wenesuelada çuňlaşan syýasy krizis we ABŞ-nyň Maduro guran harby operasiýasyndan soň beren beýannamasy ünsleri özüne çekdi.

ABŞ tarapyndan guralan operasiýanyň çäginde Maduronyň aýaly Flores bilen birlikde ABŞ-na alnyp gidilendigi we tussag edilendigi nygtaldy.

Maduro bilen Floresiň neşe söwdasyny edýän toparlar we terror guramasy bilen arabaglanşygynyň bardygy nygtaldy.