ABŞ-nyň Goranmak ministri Pet Hegset şenbe güni beren beýannamasynda hytaýly kärdeşi Dong Jun bilen harby derejede aragatnaşyk ulgamynyň açylmagynyn zerurlygy boýunça ylalaşandyklaryny aýtdy.
“Admiral Dong we men, ýüze çykmagy ähtimal meseleleri çözmek hem-de dartgynlyklary arzaltmak üçin harby derejede aragatnaşyk ulgamyny döretmek boýunça ylalaşýarys. Bu meselede golaýda maslahatlar geçiriler” diýip, Hegset X platformasyndaky habarnamasynda mälim etdi.
Hegset parahatçylyk, durnuklylyk we gowy gatnaşyklar iki ýurt üçin “iň gowy ýol” diýip, nygtady.
“Prezident Trampyň aýdyşy ýaly onuň taryhy “G2 maslahaty” ABŞ we Hytaý üçin durnukly parahatçylyk we üstünlik üçin şert döretdik. Goranmak ministrligi hem şol tagallalara goşular, iki taraply sarpa goýmak we kadaly gatnaşyklar” diýip, Hegset sözleriniň üstüni ýetirdi.
Dong we HEgset Günorta-gündogar Aziýa Ýurtlarynyň Bileleşiginin goranmak ministrlerinin sammitinde anna güni Malaýziýanyň paýtagty Kuala Lumpurda duşuşdylar.
ABŞ-nyň Prezidenti Donald Tramp bolsa penşenbe güni Koreýa Respublikasynyň port şäheri Busanda Hytaýyň lideri Si Szinpin bilen duşuşdy. Tramp şol duşuşygy “G2” atlandyrdy.
