Türk diplomatik çeşmelerine görä, Türkiýe halkara suw giňişliginde Ysraýylyň howpsuzlyk güýçleriniň hüjümine sezewar bolan Halkara Sumud flodyndaky raýatlarynyň ýagdaýy bilen ýakyndan gyzyklanýar.

Türkiýäniň Tel-Awiwdäki ilçihanasy, saklanan raýatlaryna konsullyk goragyny üpjün etmek üçin işe girişdi. Ýolbaşçylar gämidäki türk raýatlarynyň maşgalalaryna waka hakynda maglumat berlendigini mälim etdi.

Ysraýylyň howpsuzlyk güýçleri 21 gämide reýd geçirdi. 25-i türk raýaty bolan azyndan 317 meýletin saklandy.

Gaza ynsanperwer kömegini we lukmançylyk enjamlaryny alyp giden flod, agwust aýynyň ahyrynda ýola çykypdy.

Gämide 45 ýurtdan 532 meýletin bar. Birnäçe ýyl soň 50-den gowrak gämi Gaza tarap birlikde ugrapdy.

Ysraýyl meýletinleri ýurtdan çykarar

Guramaçylara görä, Gaza ynsanperwer kömegini alyp giden floda hüjüm eden Ysraýylyň howpsuzlyk güýçleri, gämidäki ýüzlerçe meýletini saklady.

Ynsanperwer kömek flodynda Ispaniýa, Italiýa, Türkiýe, Gresiýa, ABŞ, Germaniýa, Şwesiýa, Britaniýa we Fransiýa ýaly birnäçe ýurtdan ýüzlerçe meýletin bar.

Ysraýylyň Daşary işler ministrligi X sosial medila platformasy arkaly beren habarnamasynda, saklanan meýletinleriň Ysraýylyň Aşdod portuna alnyp gidilendigini we ol ýerden hem Ýewropa ugradyljakdygyny mälim etdi.