Milli Howpsuzlyk Geňeşiniň maslahaty Prezident R. T. Erdoganyň ýolbaşçylyk etmeginde Prezidentiň Kompleksinde geçirildi.
Iki sagada golaý dowam eden maslahatdan soň çap edilen jemleýji jarnamada, terrora garşy göreş bilen birlikde sebitara we halkara meselelere üns çekildi.
Jarnamada PKK/KJK-PÝD/ÝPG, FETÖ we DEAŞ ýaly terror guramalarynyň başda durmagynda Türkiýäniň milli jebisligine we bitewiligine garşy abanýan howplara garşy ýurduň içinde we daşynda geçirýän operasiýalaryň dowam etdirjekdigi nygtaldy.
“Terrorsyz Türkiýe” we “Terrorsyz sebit” maksadynyň çäginde alnyp barylýan işlere üns çekildi we terroryň ýurduň we sebitiň gün tertibinden çykarylmagy üçin edilýän tagallalara goldaw beriljekdigi bellenildi.
Maslahatda guramaçylykly jenaýatlara garşy göreşiň çäginde geçirilýän operasiýalar ara alnyp maslahatlaşyldy. Raýatlaryň howpsuzlygynyň we durnuklylygyň goralmagy üçin degişli çäreleriň görüljekdigi ýatladyldy.
Türkiýäniň hemaýatkär ýurt hökmünde Kipr türkleriniň howpsuzlygyna we durnuklylygyna goldaw bermäge dowam etjekdigi bellenildi.
Jarnamada DKTR-nyň halkyna, bähbitlerine we Gündogar Ortaýer deňzindäki parahatçylyga zeper ýetirjek haýsydyr bir başlangyja rugsat berilmejekdigi nygtaldy.
Jarnamada şeýle hem Eýran bilen ABŞ-nyň arasynda gazanylan ylalaşyga kanagatlanma bildirildi we ylalaşygyň şertleriniň doly ýerine ýetirilmeginiň möhümdigi bellenildi.
Türkiýäniň sebitara parahatçylyga we durnuklylyga goşant goşmaga dowam etjekdigi ýatladyldy.
Jarnamada Türkiýäniň Siriýada durnuklylygyň we howpsuzlygyň ýola goýulmagy baradaky tagallalara goldaw bermäge dowam etjekdigi ýatladyldy.
Jarnamada şeýle hem Türkiýäniň Ysraýylyň Gaza, Günbatar Şeria, Gündogar Iýerusalime we Liwana guraýan hüjümleri bilen Russiýa-Ukraina çaknyşygy meselesine hem ýer berildi.
