Azerbaýjan bilen Russiýanyň arasynda Ýekaterinburg şäherinde Azerbaýjanyň iki raýatynyň göz tussaglygynda mahaly aradan çykmagyndan soň diplomatik dartgynlyk ýüze çykdy.
Russiýanyň Daşary işler ministrligi, Bakuwyň soňky döwürde dostlykly gatnaşyklara bap gelmeýän hereketleri we özara gatnaşyklara zeper ýetirmek maksady bilen edilen “bilkastlaýyn hereketler” sebäpli Azerbaýjanyň Moskwadaky ilçisi Rahman Mustafaýewi ministrlige çagyryp protest notasyny berendigini mälim etdi.
Azerbaýjanyň Moskwadaky ilçisi Rahman Mustafaýewe bir gün ozal saklanan Sputnik habarlar gullugynyň Bakuwdaky iki rus işgäriniň boşadylmagyny talap edýän notanyň berlendigi nygtaldy.
Azerbaýjanyň Içeri işler ministrligi duşenbe güni beren beýanamasynda, Sputnik habarlar gullugynyň paýtagt Bakudaky merkezine operasiýanyň guralandygyny mälim edipdi. Beýannamada, operasiýada Sputnigiň ýolbaşçysy İgor Kartawyh bilen baş redaktory Ýewgeniý Belousowyň tussag edilendigi nygtaldy.
Bu waka anna güni Ýekaterinburg şäherinde geçirlen we Azerbaýjanyň iki raýatynyň göz tussaglygyna alynmagyndan soň aradan çykmagyna sebäp bolan operasiýadan soň başdan geçirildi.
Azerbaýjanyň bu wakanyň doly derňelmegini we jogapkärleriniň jezalandyrylmagyny talap etdi.
Azerbaýjanyň Daşary işler ministrligi wakanyň yzy ýanyndan Russiýanyň Bakudaky geňeşçi ilçisini ministrlige çagyryp, raýatlarynyň sorag edilşiginde Russiýanyň howpsuzlyk güýçleriniň “gynamalara we kemsidijisi çemeleşmeere” ýol berendigini nygtaýan protest notasyny berdi.
Daşary işler ministrliginiň metbugat sekretary Aýhan Hajyzade, Russiýanyň polisiýasynyň hereketleriniň hukuk kadalaryna we halkara derejesinde ykrar edilen adam hukuklaryna bap gelmeýändigini aýtdy.
“Notada bu hereketleriň Azerbaýjanda negatiw jemgyýetçilik reaksiýalara sebäp bolandygy nygtaldy” diýen Hajyzade, notada şeýle hem wakanyň doly derňelmegi we jogapkärleriniň jezalandyrylmagy üçin çagyryş berlendigini ýatlatdy.
Russiýanyň Sputnik habarlar gullugyna ýurduň içerki kanunlaryna we halkara borçnamalara laýyklykda operasiýa guralandygy bellenildi.
Azerbaýjanyň Baş prokuraturasy tarapyndan bolsa mesele boýunça jenaýat işiniň gozgalandygy nygtaldy.
Daşary işler ministrliginiň metbugat sekretary Aýhan Hajyzade, notanyň Azerbaýjanyň içerki işlerine goşulyşmazlyk baradaky duýduruşyny öz içine alýandygyny we Russiýanyň resmileriniň bikanun hereketleri bilen özara gatnaşyklara zeper ýetirmekde günäkärlenendigini nygtady.
