Bäş gezek “Ballon d'Or” baýragynyň eýesi, 41 ýaşly portugaliýaly ýyldyz, Jorjina Rodrigez bilen toý edeninden soň “Vogue” žurnalyna beren interwýusynda: “Bu meniň futbol karýeramyň soňky ýyly bolsa gerek we men yzymda ajaýyp miras goýup gitmek isleýärin” diýdi.
Geljegini doly meýilleşdirendigini mälim eden Ronaldo, maşgalasy bilen has köp wagt geçirmek isleýändigini aýtdy.
Tejribeli oýunçy futbol karýerasyndan galan boşlugy dürli işler bilen doldurjakdygyny aýtdy we syýahat etmek, padel oýnamak we 25 ýyllyk ygrarlylygyndan soň gazanan üstünliklerinden lezzet almak isleýändigini aýtdy.
1000 gol maksady
Şu tomus Portugaliýanyň milli ýygyndysy bilen altynjy gezek Dünýä Kubogynda oýnan we gol geçirip rekord goýan Ronaldo, klub we milli ýygyndy karýerasynda jemi 976 gol geçirdi.
“Mançester Ýunaýted”, “Real Madrid” we “Ýuwentus” ýaly uly klublarda oýnan ýyldyz futbolçy karýerasynyň dowamynda 1000 goldan geçmegi maksat edinýär.
Saud Arabystanynyň "Al-Nasr" kluby bilen şertnamasynyň soňky ýylyna gadam basýan Ronaldonyň şu möwsümdäki oýny onuň taryhy maksadyna ýetip bilmegini kesgitlär.
