Duşenbe güni Warşawa howpsuzlyk forumynda çykyş eden Ukrainanyň prezidenti Wladimir  Zelenskiý Ukrainanyň ÝB-ne girmelidigini we bu ugurda ähli zerur çäreleri görýändigini aýtdy.

“Ukraina ÝB-e goşulmaly we goşular” diýen Zelenskiý Kiýewiň öz borçlaryny ýerine ýetirendigini aýtdy.

Zelenskiý: "Biz zerur ähli zady edýäris we Ukrainanyň goşulmagynyň haýsydyr bir ýurduň milli syýasaty bilen gijikdirilmezligi möhümdir. Biziň gaça durmaly zadymyz Russiýa islendik görnüşde garaşlylykdyr" diýdi.

Ukraina 2022-nji ýylyň fewral aýynda Russiýa bilen uruş başlanyndan gysga wagt soň ÝB-ne agza bolmak üçin ýüz tutdy. 2023-nji ýylyň dekabrynda Ýewropa Geňeşi Ukraina bilen agzalyk gepleşiklerini açmak kararyna geldi.

2024-nji ýylyň iýunynda Ýewropa Komissiýasy Ukrainadaky we Moldowadaky reformalara oňyn baha berdi, Brýussel bolsa goşulmak gepleşikleriniň çarçuwasyny tassyklady.

Emma Wengriýa we Slowakiýa özlerini rus energiýasy bilen üpjün edýän Družba nebit geçirijisine edilýän hüjümleri duruzmak ýaly şertleri öňe sürüp, bu tapgyry petiklediler.

Soňra Litwa Budapeştiň garşylyklaryny ortadan aýyrjak aýratyn gepleşikler meýilnamasyny teklip etdi.