Eýranyň Prezidenti Mesud Pezeşkiýan, ABŞ-ny Eýran Yslam Respublikasynyň ösüşini bökdemekde günäkärledi.
Pezeşkiýan ýekşenbe güni Foks Nýus kanalyna beren beýannamasynda, ýurduna goýlan sanksiýalara garamazdan Eýranyň ýadro ýaragyny eýe bolmak ýaly niýetiniň ýokdygyny nygtady.
“Biz diňe parahatçylykly maksatly ýadro ýaragyna eýe bolmak isledik” diýen Pezeşkiýan “Ýadro ýaragyna ýada haýsydyr bir köpçülikleýin gyryş ýaragyna ýer ýok. Biz ýadro ýaragyna eýe bolmak islemedik we asla bolmarys” diýdi.
“Snapback”
Ýekşenbe güni Fransiýa, Germaniýa we Britaniýa BMG-nyň howpsuzlyk geňeşiniň 2231 belgili kararynyň çäginde “snapback” mehanizmini işletdi.
Şol mehaniz Eýranyň jogapkärçiliklerini ýerine ýetirmän halatynda sanksiýalaryň 30 günüň dowamynda gaýtadan güýje girmegini öz içine alýar.
Üstümizdäki ýylyň başynda ABŞ bilen Ysraýylyň Eýrana guran hüjümlerinden soň Tähran, BMG-nyň ýadro gözegçilik gullugy Halkara Atom energiýasy gullugy bilen hyzmatdaşlyk etmegi togtatdy.
Eýran Halkara Atom energiýasy gullugynyň özüne garşy birtaraply çemeleşýändigini öňe sürüpdi.
ABŞ üstümizdäki ýylyň başynda guran harby hüjümleri bilen Eýranyň ýadro desgalaryny nyşana aldy.
Trampyň adminstrasiýasy şol hüjümlerde Eýranyň urany kämilleşdiriş desgalaryny dolulygyna ýok edendigini öňe sürüpdi.
Eýran bolsa öňe sürülýän garaýyşlaryň asylsyzdygyny beýan etdi.
