DKTR-nyň raýatlary prezident saýlawynyň birinji tapgyry üçin şu gün irden ses bermäge başlady.

DKTR-nyň saýlawçylary şu gün irden sagat 08.00-da halkara wagt boýunça sagat 05.00-da ses bermäge başlady.

Ýurduň çar tarapyndan 777 saýlaw merkezinde başlan prezident saýlawy sagat 18-00-a çenli dowam eder.

Saýlawda bellige alynan 218 müň 313 saýlawçy ses berer.

DKTR-nyň prezidentligi üçin häzirki prezident Ersin Tatar garaşsyz dalaşgär hökmünde, oppozisiadaky Jemhuriýetçi Türk partiýasynyň lideri Tufan Erhürman bilen birlikde Mehmet Hasgüler, Arif Salih Kyrdag, Ahmed Boran, İbrahim Ýazyjy we Osman Zorba bäsleşýär.

Dalaşgärlerden Hüseýin Gürlek şenbe güni beren beýannamasynda dalaşgärlikden çekildi we Ersin Tatara goldaw berýändigini mälim etdi.

Saýlawyň birinji tapgyrynda 50 göterimden has köp ses alan dalaşgär prezidentlige saýlanar.

Dalaşgärler ýeterlik ses alman halatynda iň köp ses alan iki dalaşgär, 7 gün soň geçiriljek saýlawyň ikinji tapgyrynda bäsleşer.

Ikinji tapgyrda iň köp ses alan dalaşgär DKTR-nyň täze prezidenti bolar.