Siriýanyň SANA habarlar gullugy, Siriýanyň demirgazygynda ýerleşýän Halap şäheriniň Deýr Hafir etrapçasynda terror guramasy SDG tarapyndan guralan hüjümde iki esgeriň ýogalandygyny mälim etdi.

Siriýanyň Goranmak ministrliginden berlen beýannamada, SDG-nyň soňky döwürde Halabyň gündogaryndaky obalary nyşana alýandygy, şol hüjümlerde asuda ilata we esgerlere uly zeper ýetirlendigi nygtaldy.

SDG, PKK-nyň Siriýadaky bölegi bolan terror guramasy ÝPG-nyň çäginde iş alyp barýar.

Türkiýe, ABŞ we ÝB PKK-ny terror guramasy hökmünde kabul edýär.

Siriýada 25 ýyl häkimiýetiň başynda bolan Başar Asadyň 2024-nji ýylyň ahyrynda Russiýa gaçyp gitmeginden soň ýurduň syýasy taýdan has möhüm döwri başdan geçirýän günlerinde hüjümleriň artmagy ünsleri özüne çekýär.

Siriýanyň Prezidentligi 10-njy martda SDG-niň döwlete utgaşyklygy boýunça şertnama baglaşylandygyny habar beripdi.

Beýannamada, Siriýanyň territorial bitewiligine üns çekildi we ekstremizme garşy durulýandygy nygtaldy.

Emma Deýr Hafiirde guralan hüjümler, ýurduň durnuklylygyna zeper ýetirýär.

Goranmak ministrligi, howpsuzlyk güýçleriniň SDG-nyň hüjümlerine degişli gaýtawuly görkezendigini mälim etdi we şuňa meňzeş hüjümleriň artmagynyň sebitde durnuklylygyň ýola goýulmagy üçin edilýän tagallalara zeper ýetirjekdigi barada duýduryş berdi.

Goranmak ministrligi, halkara aktýorlara PKK bilen arabaglanşykly guramalara goldaw bermezlikleri üçin çagyryş berdi.