Eýranyň Adam hukuklaryny goraýjy meýletinler gullugy HRANA-nyň berýän habaryna görä, Eýranda geçirilýän protest ýörişlerinde ýogalanlaryň sany azyndan 65 adama ýetdi.
Merkezi ABŞ-da ýerleşýän gullugyň web saýtynda berlen habarnamada, protest ýörişleriniň13 günden bäri dowam edýändigi nygtaldy.
31 welaýatda, 180 şäherde 512 ýerde geçirilýän protest ýörişlerinde 50-y demonstrant, 14-i howpsuzlyk işgäri we 1-i gullukçy bolmak bilen 65 adam ýogaldy.
Ýörişlerde onlarça adam ýaralandy, 2 müň 311 adam hem saklandy.
Plastiki gülleleriň ýaralanmalara sebäp bolandygy ýatladyldy.
Ýolbaşçylar protest ýörişlerinde ýogalanlar we ýaralananlar hakynda hiç hili beýannama bermedi.
Eýran uly kynçylygy başdan geçirýär
Eýranda dekabr aýynyň ahyryndan bäri protest ýörişleri geçirilýär. Eýranyň pul birli riýalyň hümmetiniň aşaklamagy we ykdysady şertleriň agyrlaşmagy protest ýörişleriniň başlamagyna sebäp boldy.
Protest ýörişleri 28-nji dekabrda Tähranda Uly bazaryň golaýynda başlady we birnäçe şähere ýaýrady.
ABŞ-nyň Prezidenti Donald Tramp anna güni beren beýannamasynda protest ýörişleriniň gün saýyn ýaýbaňlanýandygy sebäpli Eýranyň uly kynçylygy başdan geçirýändigini aýtdy.
Prezident Tramp ABŞ-nyň wakalar bilen ýakyndan gyzyklanýandygyny aýtdy we ýolbaşçylara aşa güýç ulanmazlyklary boýunça duýduryş berdi.
