Kiýewiň şäher häkimi Witaliý Kliçko, Russiýanyň paýtagtdaky esasy köprülerden birine hüjüm gurandygyny habar berdi. Hüjüm şäherdäki ulag gatnawynyň bökdelmegine sebäp boldy.
Russiýa 2022-nji ýylyň fewral aýyndan bäri Ukraina guraýan hüjümlerini dowam etdirýär. Paýtagt Kiýew şol günden bäri dowam edýän hüjümlerden esasan daşda galypdy.
Kiýewiň şäher häkimi Kliçko, Telegramdan beren habarnasynda “Demirgazyk köprüsüne zarba uruldy. Gözleg we halas ediş topary sebite ugradyldy” diýdi.
Kliçko hüjüm sebäpli köprä uly zeper ýetirlendigini we ulag gatnawynyň bökdelendigini mälim etdi.
Şäher häkimi “Häzirki wagtda köprüde çep kenardan sag kenara geçmek mümkin däl” diýip belledi.
Häkimlik anna günü ýokary tizlikde hereket edýän dron bilen guralan hüjümden soň paýtagtyň esasy geçelgelerinden biri bolan Günorta köprüsini ýapypdy we başga köprüde ulag gatnawyny çäklendiripdi. Bu ýagdaý paýtagtda ulag gatnawynyň bökdelmegine sebäp bolupdy.
Günorta köprüsi Kiýewiň iki kenaryny birleşdirýän 8 geçelgeden biri.
Kiýewiň şäher häkimi Kliçko, anna güni paýtagtlylaryň indi söweş şertlerine görä hereket etmelidigini duýdurypdy.
