Daşary işler ministri Hakan Fidan, eýranly kärdeşi Abbas Arakça Türkiyäniň howa giňişliginiň bozulmagynyň “kabul ederliksizdigini” beýan etdi.
Diplomatik çeşmeler, söhbetdeşligiň esasy ugrunyň ýakyn wagtda bolup geçen bir raketa hüjüminiň Türkiyäniň howa giňişligini bozmagydygyny we munuň Ankaranyň Tährandan düşündiriş hem-de kepillik talap etmegine sebäp bolandygyny habar berdi.
Daşary işler ministrliginiň çeşmelerine görä, sişenbe güni geçirlen telefon söhbetdeşliginde Fidan, Arakça Türkiyäniň özygtyýarlylygyny goramak üçin zerur bolan ähli çäreleri görmäge dowam etjekdigi barada duýdurdy.
Ministr Fidan şeýle hem, ähli taraplaryň sebit howpsuzlygyna zyýan ýetirip biljek we asuda ilat üçin töwekgelçilik döredip biljek ädimlerden daşda durmalydygyny nygtady.
Beýleki tarapdan Arakçi bolsa, Türkiyäniň howa giňişligine gönükdirilen raketalaryň Eýrandan gözbaş almaýandygyny aýdyp, mesele bilen bagly giňişleýin derňewiň dowam edýändigini belledi.
Patriot howa goranyş ulgamlary
Türkiye, sişenbe güni, dowam edýän sebit dartgynlylygynyň arasynda ýurduň howa giňişligini goramaga ýardam bermek maksady bilen NATO bilen utgaşykly tagallalaryň çäginde bir Patriot howa goranyş ulgamynyň gündogar Türkiyede operatiw ýagdaýda taýýar ýagdaýa getirmek maksady bilen taýýarlanandygyny mälim etdi.
Milli Goranmak ministrligi beren beýanatynda: “Türkiyäniň Ýaragly Güýçlerimiziň, ýurdumyzyň we raýatlarymyzyň howpsuzlygyny üpjün etmekdäki tutanýerliligi doludyr” diýip belledi.
Beýanatda: “Sebitimizde başdan geçirlen soňky wakalaryň çäginde serhetlerimiziň we howa giňişligimiziň howpsuzlygy üçin zerur çäreler görülýär, NATO we hyzmatdaşlarymyz bilen maslahatlaşylýar” diýildi.
Beýanatda şeýle hem milli howpsuzlyk çäreleri bilen bir hatarda bileleşigiň sebit goranyş ukybynyň güýçlendirilendigi bellenilip: “Milli derejede gören çärelerimize goşmaça ýagdaýda NATO tarapyndan howa we raketa goranyş çäreleri artdyryldy” diýip aýan edildi.
NATO howa goranyş ulgamlary duşenbe güni Eýrandan uçurlyp Türkiyä tarap ugran ýene bir raketany saklady. Bu ýagdaý geçen hepdeden bäri Eýran raketalarynyň Türkiyäniň howa giňişligine girmegi bilen bagly ikinji waka boldy.
