Gazanyň halkyny zerur bolan esasy önümler bilen üpjün etmek maksady bilen 900 tonnalyk ynsanperwer kömegini alyp giden 17-nji Ýagşylyk gämisi sişenbe güni Türkiýäniň günortasynda ýerleşýän halkara Mersin portundan Müsüriň Al Ariş portuna tarap ugrady.
17 sany jemgyýetçilik guramasynyň goldaw bermeginde taýarlanan ynsanperwer kömegi AFAD bilen Müsüriň Gyzyl Ýarymaý jemgyýetiniň hyzmatdaşlygynda sebite ugradyldy.
Ynsanperwer kömegi Gaza iň ýakyn port bolan Müsüriň Al Ariş portundan Karem Abu Salem gümrük geçelgesine getirler.
Gazanyň ýaşaýjylarynyň esasy zerurlyklaryny kanagatlandyrmak üçin taýarlanan ynsanperwer kömeginiň düzüminde taýar iýmitler, konserwirlenen önümler we çaga iýmitleri bar.
Mersin portunda geçirlen ynsanperwer kömeginiň ugradylyş dabarasynda çykyş eden Içeri işler ministri Ali Ýerlikaýa, “Şu gün Ýagşylyk gämisi Gaza tarap ugraýar. 900 tonnalyk azyk, konserwirlenen önümler we çaga iýmitleri Gaza tarap ugraýar” diýdi.
Türkiýe, Ysraýylyň 2023-nji ýylyň 7-nji oktýabrynda Gaza garşy başladan genosid hüjümleri sebäpli AFAD arkaly 16 gämi we 14 uçar bilen sebite ynsanperwer kömegini ugratdy.
ABŞ-nyň Prezidenti Donald Trampyň 67 müňden gowrak palestinliniň ýogalmagyna we sebitiň haraba öwrülmegine sebäp bolan söweşiň yzygiderli bes edilmegi baradaky meýilnamasynyň çäginde Gazada geçen hepde ylalaşyk gazanylypdy.
