Ramallah şäheriniň demirgazygyndaky Sinjil şäherçesinde ysraýylly esgerler, palestinaly daýhanlary zeýtun ekilen ekin meýdanlaryndan çykaryp, sebiti “ýapyk harby zolak” hökmünde yglan etdiler we ondan soň zeýtunlary özleri ýygnadylar. Ýerli halk hasyllaryň ýygnanýan möwsüminde bular ýaly görnüşli wakalaryň barha artýandygyny, daýhanlaryň öz ekin meýdanlarynda artýan çäklendirmelere, bikanun jöhit ýaşaýjylaryň we harbylaryň zorluklaryna sezewar galýandyklaryny aýdýarlar. BMG-niň Gumanitar Işleri Koordinasiýa Edarasynyň berýän habaryna görä, şu ýylky zeýtun hasyl möwsümi, 2020-nji ýyldan bäri basyp alyşlyk astyndaky Günbatar Şeriada iň köp weýrançylyga we bikanun jöhit ýaşaýjylaryň hüjümlerine sezewar galan döwür boldy. Edaranyň maglumatyna görä, 70 şäherçede we obada jemi 126 hüjüm hasaba alyndy, 4000-den gowrak zeýtun agajyna we nahala zeper ýetirildi.