Basyp alyşlyk astyndaky Günbatar Şerianyň Sair şäherçesinde, bikanun ysraýylly ýaşaýjylar Ysraýylyň harby güýçleriniň gözegçiliginde bir palestinaly maşgala degişli öýi we iki ulagyny ýakdylar. Hüjümde zenanlar we ýaşuly adamlar bilen birlikde ençeme adamyň ýaralanandygy habar berildi. 2023-nji ýylyň oktýabr aýyndan bäri Ysraýylyň eden-etdilikleri Günbatar Şeria sebitinde örän artdy: 1069 palestinaly öldürildi, 10300-den gowrak palestinaly ýaralandy. Raýat jemgyýetçilik guramalary, diňe oktýabr aýynda bikanun ysraýylly ýaşaýjylaryň ýüzlerçe gezek hüjüm gurandyklaryny habar berdi. Halkara Adalat diwany bolsa Ysraýylyň Günbatar Şeriadaky we Gündogar Iýerusalimdäki basyp alyşlygynyň we ähli ýaşaýyş ýerleriniň halkara hukuga görä bikanundygyny ýaňadandan ykrar etdi.