Türkiýäniň Prezidenti Rejep Taýýip Erdogan penşenbe güni Omanyň paýtagty Muskatda Soltan Heýsem bin Taryk bilen duşuşdy. Bu duşuşyk senagat, goranyş we aragatnaşyk ugurlarynda ikitaraplaýyn hyzmatdaşlygy güýçlendirmek maksady bilen geçirildi.

Liderler Palestina meselesinde raýdaşdyklaryny tassykladylar we sebitleýin we global meseleleri ara alyp maslahatlaşdylar. Bu sapar, Prezident Erdoganyň Kuweýtden we Katardan soň Pars aýlagynyň üç ýurduny öz içine alýan syýahatynyň soňky duralgasy boldy.

Türkiyäniň diplomatik çeşmeleri penşenbe güni geçirilen duşuşygyň Muskatdaky Al Alam köşgünde ýapyk görnüşde geçirilendigini habar berdi.

Türkiye Respublikasynyň Kommunikasiýalar edarasy tarapyndan berlen beýanatda iki lideriň duşuşykda ikitaraplaýyn gatnaşyklary we sebitleýin we global meseleleri ara alyp maslahatlaşandygy aýdylýar.

Duşuşykdan soň iki ýurduň arasynda jemi 16 täze resminamanyň kabul edilendigi habar berildi.