2011-nji ýylyň Nobel parahatçylyk baýragynyň eýesi Ýemenli Tawakkul Karman, Birleşen Milletler Guramasynyň Howpsuzlyk Geňeşinde (BMGHK) çykyş etmegine rugsat berilmeýändigini belläp: "Käbir hökümetler garaşsyz we erkin sesleri eşitmek islemedi" diýip nygtady. 

2011-nji ýylyň Nobel parahatçylyk baýragyny paýlaşan Karman, Geňeşiň otagynyň daşynda BMG-niň metbugatyna esasy ýüzlenmesini berdi. Ýemendäki krizisiň esasy sebäbiniň "döwletiň çökmegidigini” nygtap, Karman "esasy jogapkärçiligiň" Husi pitneçileriniň üstündedigini aýtdy.

Karman beýanatynda şeýle diýdi: "Şol bir wagtyň özünde, halkara derejesinde ykrar edilen hökümetiň görkezýän ýeterlik däl işi, dolandyryşyň ýoklugy we içerki bölünişikler döwlet edaralaryny we kanunyň hökmürowanlygyny has-da gowşatdy. Saud Arabystanynyň ýolbaşçylygyndaky koalisiýanyň we BAE-niň goşulyşmagy halkara derejesinde ykrar edilen hökümeti hem gowşatdy. Ýemenliler halkara jemgyýetçiliginden geljegini gurmagyny islemeýärler. Ýemenliler halkara jemgyýetçiliginden öz ýurtlaryny yzyna almak we öz geljegini gurmak ugrundaky göreşlerinde olaryň ýanlarynda durmagyny talap edýärler" diýip nygtady.