Ysraýyl Ynsanperwer Kömek Konteýnerleriniň Howpsuzlygyny Üpjün Edýän Topary Nyşana Aldy

Ysraýylyň Gaza guran howa hüjüminde bu gezek ynsanperwer kömek konteýnerleriniň howpsuzlygy üpjün edýän toparlar nyşana alyndy. Hüjümde azyndan 8 palestinaly ýogaldy, onarça adam hem ýaralandy.

Refah şäherinde guralan hüjümde hem 30-dan gowrak adam ýaralandy, ýaralananlaryň käbiriniň ýagdaýy agyr. Saglygy goraýyş işgärleri hüjümde ýogalanlaryň sanynyň artmagyna alada bildirýär.

Palestinaly saglygy goraýyş işgärleriniň berýän habaryna görä, Han Ýunusa guralan başga bir hüjümde ynsanperwer kömek konteýnerleriniň howpsuzlygyny üpjün edýän topar nyşana alyndy, wakada birnäçe adam ýaralandy.

Edogan, Somali Bilen Efiopianyň Arasynda Ylalaşyk Gazanylandygyny Aýtdy

Türkiýe Respublikasynyň Prezidenti R. T. Erdogan, Ankaranyň töwellaçylyk etmeginde geçirlen Somaliland gepleşiklerinde Somaliniň Prezidenti Hasan Şyh Mahmud bilen Efiopianyň Premýer-ministri Abiý Ahmediň taryhy ylalaşyga gol goýandygyny aýtdy. Taryhy ylalaşyk mynasibetli liderleri gutlan Erdogan, ylalaşygyň düşmezligiň çözülmegini maksat edinýändigini belledi. Ylalaşygy Somali bilen Efiopianyň arasynda parahatçylygyň ýola goýulmagy we hyzmatdaşlyk edilmegi üçin aýgytly ädim hökmünde häsiýetlendiren Erdogan, Türkiýäniň, Afrikanyň durnuklylygyna goldaw bermäge dowam etjekdigini ýene-de bir gezek nygtady.

Siriýanyň Waglaýyn Hökümetiniň Premýer-ministri, Siriýaly Bosgunlary Yzyna Çagyrdy

Siriýanyň wagtlaýyn hökümetiniň Premýer-ministri Muhammed Al Beşir, millionlarça siriýaly bosgunyň yzyna dolanmagy üçin, raýatlaryň howpsuzlygynyň üpjün ediljekdigi we esasy hyzmatlaryň dikiljekdigini aýtdy. Daşary ýurda giden siriýalylaryň yzyna dolanmagy üçin çagyryş beren Al Beşir “Siriýa indi mertebesini gaýtadan dikelden erkin ýurt” diýdi. Al Beşir, ilkinji nobatda Siriýanyň şäherlerinde howpsuzlygyň we durnuklylygyň ýola goýuljakdygyny nygtady.

Owgan Ministr Kabulda Guralan Hüjümde Öldürildi

Owganystanyň İmmigrantlar ministri Halil Ur Rahman Hakkani, ministrlikde guralan hüjümde öldürildi.

Hökümete ýakyn çeşmeler kamikeze hüjümi hökmünde häsiýetlendirlen partlamada ministr bilen birlikde köp sanly adamyň ýogalandygyny mälim etdi.

Hüjümin jogapkärçiligini öz üstüne alan DEAŞ tarapyndan çarşenbe güni berlen beýannamada, hüjümde Hakkaniniň nyşana alynandygy bellenildi.

Hindistanda Metjitler Nyşana Alyndy

Hindistanda metjitlere guralýan hüjümler gün saýyn artýar.  Metjitler aşa sagçy hindileriň hüjümlerine sezewar bolýar.

Hindi aşa sagçy toparlar, birnäçe metjidiň musulman häkimiýeti döwründe ýykylan ybadathanalaryň üstüne gurlandygyny öňe sürýär.

Soňky gezek Uttar Pradeş sebitiniň demirgazygynda ýerleşýän Sahi Juma metjidi hökmünde bilinýän, 16 asyrdan galan Sambhal metjidi nyşana alyndy.

2024-nji ýylyň 19-njy noýabrynda berlen arzada metjidiň gadymy Harihar ybadathanasynyň galyndylarynyň üstüne gurlandygy öňe sürülýär.

1920-njy ýylda iňlis hökümeti tarapyndan “Goralýan ýadigärlik” hökmünde kesgitlenen metjidiň indi taryhy statusyna howp abanýar.