Ýakyn Gündogardaky söweşiň dowam edýän günlerinde amerikaly we filippinli müňlerçe esger ilkinji gezek ýapon güýçleriniň gatnaşmagynda harby türgenleşik geçirýär.

Üç ýurduň esgerleriniň gatnaşagyndaky ýyllyk harby tügenleşik duşenbe güni başlady.

Jedelleşikli Günorta Hytaý deňziniň kenarynda geçiriljek harby tügenleşikde hakyky gülleler ulanylar.

Ýaponiýa harby tügenleşige 1400 hünärmen bilen gatnaşýar. Ýapon goşuny demirgazykdaky Paoaýyň golaýynda nyşana alynan gämini batyrmak üçin Type 88 raketasyny ulanar.

Awstraliýanyň, Täze Zelandiýanyň, Fransiýanyň we Kanadanyň harby güýçleriniň gatnaşmagynda geçiriljek we 19 gün dowam etjek Balikatan ýada “Egin egine” türgenleşigine 17 müňden gowrak esger, hünärmen we deňizçi gatnaşýar.

ABŞ-nyň türgenleşiklerden jogapkär metbugat sekretary podpolkownik Robert Bunn, türgenleşige gatnaşýan amerikaly esgerleriň sanynyň ýurdunyň Ýakyn Gündogarda alyp barýan söweşine ýaramaz täsirini ýetirmejekdigini sözleriniň üstüne goşdy.

Balikatan türgenleşigi, ABŞ bilen Ysraýylyň Eýrana garşy alyp barýan söweşiniň iki hepde möhlet bilen bes edilmegi boýunça gazanylan ylalaşygyň gutarmagyna birnäçe gün galanda başlady.

Çaknyşyk sebäpli energiýa serişdeleriniň nyrhynyň ýokarlamagy importa bagly Filippine ýaramaz täsirini ýetirdi.