Türkiyäniň prezidenti Rejep Taýýip Erdogan we Gruziýanyň premýer-ministri Irakli Kobahidze sişenbe güni Gruziýada heläkçilige uçran türk harby ýük uçary bilen baglanyşykly gözleg we halas ediş işleriniň soňky netijelerini ara alyp maslahatlaşdylar.
Türkiyäniň Kommunikasiýalar edarasy Türk NSosyal sosial media platformasynda Kobahidzeniň telefon arkaly söhbetdeşlikde heläkçilikde şehit bolan harbylar üçin gynanç bildirendigini aýtdy.
Erdogan bolsa Kobahidzä gynanç we goldawlary üçin minnetdarlyk bildirdi.
Türkiyä degişli bir Türk C-130 kysymly harby ýük uçary Azerbaýjandan Türkiyä gelýän wagty Gruziýada heläkçilige uçrady.
Türkiyäniň Goranmak ministrliginiň maglumatyna görä, uçaryň bortunda, şol sanda uçuş ekipažynyň agzalary bilen birlikde 20 adam bardy. Heläkçilikden soň başladylan gözleg we halas ediş işleri dowam edýär.
Ministrlik: "Gözleg-halas ediş we heläkçilik boýunça derňew topary Gruziýanyň degişli resmileri bilen utgaşdyrylyp, sagat 06:30-da Azerbaýjan-Gruziýa serhedinde heläkçilige uçran harby ýük uçarymyzyň galyndylaryny barlamaga başlady" diýip habar berdi.
