Ýaponiýanyň Premýer-ministri ýene-de bir gezek Hytaýa gepleşik çagyryşyny berdi

Ýaponiýanyň Premýer-ministri Sanae Takaiti, Taýwan baradaky beýannamalary sebäpli iki ýurduň arasyndaky dartgynlygyň dowam edýän günlerinde Hytaýa ýene-de bir gezek gepleşik çagyryşyny berdi.

Duşenbe güni täze ýylyň ilkinji metbugat ýynagyny geçiren Premýer-ministri Takaiti, hökümetiň ileri tutulýan ugurlary hakynda maglumat berdi we iki ýurduň arasyndaky kynçylyklaryň ortadan aýrylmagy üçin aragatnaşyk saklamagyň möhümdigini belledi.

“Kýodo” habarlar gullugyna görä, Takaiti “Ýurdumyz Hytaý bilen ähli taraplaýyn gepleşik geçirmäge taýar” diýdi.

Premýer-ministr Takaiti, Hytaýyň Ýaponiýadaky ilçihanasynyň şenbe güni Ýaponiýanyň käbir sebitlerinde jemgyýetçilik howpsuzlygynyň ýaramazlaşýandygy sebäpli raýatlaryna Ýaponiýa syýahat etmezlikleri üçin beren duýduryşyndan soň gepleşik çagyryşyny berdi.

Ýaponiýaly resmiler, Hytaýyň ilçihanasynyň soňky beýannamasy hakynda heniz hiç hili beýannama bermedi.

Takaitiniň geçen ýylyň 7-nji noýabrynda Hytaýyň Taýwana guran hüjüminiň howpludygy we Ýaponiýanyň özünü goramak hukugyny ulanyp biljekdigi hakyndaky beýannamasyndan soň Hytaý bilen Ýaponiýanyň arasyndaky gatnaşyklar dartgynlaşdy.

Ýaponiýanyň Premýer-ministriniň bu beýannamasyna Hytaý berk garşylyk görkezdi.

Hytaý raýatlaryna Ýaponiýa syýahat etmezliklerini maslahat berdi we Ýaponiýadan deňiz önümleriniň satyn alynmagyny gadagan etdi.