Stambulda geçiriljek 9-njy TRT World forumynda dialog we adalat çagyryşy berler
Döredilen gününden bäri TRT World Forumy kontinentara sesleri birleşdirýän we Global Demirgazyk bilen Günortanyň arasyndaky garaýyşlary ýakynlaşdyrýan möhüm platforma öwrüldi.
Anna güni Stambulda başlajak 9-njy TRT World forumy global hakykatlaryň näbellilik döwründe nähili täzeden şekillendirilýändigini ele alar. Forum dünýäniň dürli künjeginden liderleri, akyldarlary we özgerişiň öňdebaryjylaryny bir ýere jemleýär.
“Ählumumy täzeden başlaýyş: Köne düzgünden Täze hakykatlara” temasy bilen geçiriljek iki günlük çäräniň dowamynda ykdysadyýet, tehnologiýa, metbugat we halkara hukuk ulgamlaryndaky özgertmeleriň biziň ýaşaýan dünýämizi nähili täzeden kesgitleýändigi seljeriler.
Türkiýäniň jemgyýetçilik teleradioýaýlymy TRT tarapyndan gurnalýan bu forum her ýyl geçirilýän gün tertibe getirilmeýän temalaryň gün tertibe getirilmegi we metbugatyň global meseleleri kemala getirmekdäki rolunyň ele alynýan pikir ýörediş platforma hökmünde hyzmat berýär. Türkiyäniň prezidenti Rejep Taýýip Erdoganyň açylyş dabarasynda çykyş etmegine garaşylýar. Bu däp 2017-nji ýylda geçirilen ilkinji forumdan bäri dowam edýär.
Prezident Erdogan öňki çykyşlarynda Türkiyäniň halkara gatnaşyklardaky üýtgeýän roluna we has adalatly global düzgüniň zerurlygyna ünsi çekipdi.
Şu ýyl geçiriljek bölümlerde ara alnyp maslahatlaşyljak temalaryň käbirleri:
• Strategik awtonomiýany gurmak: Türkiye we global goranyş paradigmasy
• Siriýada täze şapak: Dikeldiş we durnuklylyk üçin ýol kartasy
• Çaknyşyklaryň içindäki geljek: Gündogar Afrikada çaknyşyk we ylalaşyk
• Pidalardan garşylyga: Gazada adalata barýan ýol
Söhbetdeşlikler diňe syýasat we syýasat bilen çäklenmez. Forumda şeyle hem norwegiýaly suratkeş Wibeke Harperiň "3925 ýiten geljek" atly täsirli çykyşy hem geçiriler.
Şu aýyň başynda Harper Oslodaky “Vega Sahnasynda” 68 sagatlyk ýatlama çäresini geçirdi. Gatnaşyjylar Gazada öldürilen 18459 çaganyň atlaryny okadylar, her bir at diwara hemişelik ýadygärlik hökmünde asyldy.
TRT World Forum 2025-iň çäginde Harper öz çykyşyny täze bir ýatlama görnüşine uýgunlaşdyrar. Gatnaşyjylar hormatly dymyşlykda Ysraýylyň hüjümlerinde ýogalan 18 ýaşdan 20 ýaşa çenli aralykdaky 3925 ýaş ýetginjegiň atlaryny okap, gyzyl kagyza ýazyp, diwara goýarlar.
Bu çykyş forumdaky diskussiýalara çuňňur ynsan we emosional ölçeg goşýar, her bir statistikanyň arkasynda bir hekaýanyň bardygyny we global dialogyň seljerme ýaly duýgudaşlyga esaslanmalydygyny ýatladýar.
TRT World Forumy döredilen ýylyndan bäri kontinentara sesleri birleşdirýän, Global Demirgazyk bilen Günortanyň arasyndaky garaýyşlary birleşdirýän we “Biz nähili dünýä gurýarys?” diýen soragy batyrgaýlyk bilen gozgaýan möhüm platforma öwrüldi.