Saglygy goraýyş guramalarynyň işgärleirniň biriniň “Anadoly” habarlar agentligine beren maglumatynda, Ysraýylyň uçarmansyz howa ulagynyň Jabaliýa şäherçesiniň demirgazygynda motosikle degmegi netijesinde bir palestinaly öldi we üç adam ýaralandy.
Habar çeşmäniň maglumatyna görä, Deýr al-Balah şäheriniň merkezindäki asuda ilatdan ybarat adamlary nyşana alan uçarmansyz howa ulagynyň hüjüminde ýene-de bir palestinaly ýogaldy.
Gazanyň günortasyndaky Han Ýunus şäheriniň demirgazygynda başga bir uçarmansyz howa ulagynyň hüjüminde al-Karara köprüsiniň golaýynda bir palestinaly öldi, ýene-de bir palestinaly ýaralandy.
Çeşmäniň maglumatyna görä, Ysraýylyň harby ulaglary Han Ýunusyň günorta-günbataryndaky al-Mawaside göçürlip getirlen adamlaryň ýaşaýan çadyrlaryna ot açmagy netijesinde üç adam ýaralandy; al-Mawaside Ysraýylyň ot açmagy netijesinde başga bir palestinaly hem ýaralandy.
Mundan başga-da, Ysraýylyň patrul gaýyklarynyň Gazanyň kenaryna ot açmagy netijesinde üç balykçy ýaralandy.
Gazanyň Saglygy goraýyş ministrliginiň maglumatyna görä, 2025-nji ýylyň 10-njy oktýabrynda güýje giren ot açmagy bes etmek baradaky ylalaşyga garamazdan, Ysraýylyň goşuny Gazadaky gündelik hüjümlerini dowam etdirdi we şol wagdtan bäri guralan hüjümlerde azyndan 1203 palestinaly öldürildi we 3900-si ýaralandy.
Ysraýylyň goşuny 2023-nji ýylyň oktýabr aýyndan bäri genosid urşunda 73 müňden gowrak adamy öldürdi we 174 müňden gowrak adamy ýaralady. Ysraýyl sebiti weýran etdi; BMG Gazany täzeden dikeltmegiň çykdajylarynyň takmynan 70 milliard dollara barabar boljakdygyny çak edýär.
