Liwanyň Saglygy goraýyş ministrligi, Ysraýylyň Liwanyň günortasyna we gündogaryna guran hüjümlerinde azyndan 3 adamyň ýogalandygyny, 23 adamyň ýaralanandygyny mälim etdi.
Saglygy goraýyş ministrliginden berlen beýannamada, Ysraýylyň anna güni ýary gije ýurduň günortasyndaky Sur we Nebatiýa etraplarynda 5 ýere we gündogarda bolsa Bekaa jülgesine hüjüm gurandygy nygtaldy.
Beýannamada ýaralananlaryň arasynda zenanlar we çagalar bilen birlikde saglygy goraýyş işgärleriniň hem bardygy bellenildi.
Ysraýylyň harby goşuny bolsa Hizbullahyň ysraýylly esgerlere garşy dron hüjümini guramagyndan soň Liwanyň günortasyny nyşana alandygyny mälim etdi.
Hizbullah bolsa öňe sürülýän garaýyşlar hakynda hiç hili beýannama bermedi.
Liwanly resmiler iýun aýyndan bäri Ysraýyl bilen ABŞ-nyň töwellaçylyk etmeginden gazanylan ylalaşyga agramazdan Tel-Awiwiň ylalaşygy 5 müň gezek bozandygyny aýan etdi.
2-nji martdan bäri Ysraýylyň guraýan hüjümleri sebäpli Liwanda 4300 adam ýogaldy.
