Russiýanyň prezidenti Wladimir Putin Gyrgyzystana gurajak resmi saparynyň dowamynda Moskwa bilen Bişkek söwda, ykdysadyýet, bilim we migrasiýa meselelerini öz içine alýan uly ylalaşyklar toplumyna gol çekmäge taýýarlanýandygyny aýtdy.

Çarşenbe güni Bişkekde Gyrgyzystanyğ Prezidenti Sadyr Japarow bilen geçiren duşuşygynda Putin iki ýurduň arasyndaky hyzmatdaşlygy we strategik hyzmatdaşlygy has-da berkitmek üçin ileri tutulýan ugurlary kesgitleýän "bilelikdäki syýasat jarnamasynyň" gol çekmäge taýýardygyny aýtdy.

Putin hökümetara resminamalaryň dürli ugurlarda hyzmatdaşlygy giňeltmek üçin "esasy maksatlary" aňladýandygyny belläp, "Gepleşiklerimiziň gün tertibi örän giň" diýdi.

Putin Russiýanyň Gyrgyzystan bilen gatnaşyklaryna uly ähmiýet berýändigini sözüne goşup, ikitaraplaýyn gatnaşyklaryň "özara hormat goýmak we biri-biriniň bähbitlerini göz öňünde tutmak esasynda" ösmegini dowam etdirýändigini nygtady.

Putin öz saparynyň Kollektiw Howpsuzlyk Şertnamasy Guramasynyň (KHŞG) Kollektiw Howpsuzlyk Geňeşiniň mejlisinden öň geçirilendigini belläp: “Men we kärdeşlerim dostlukly Gyrgyzystanda bolmagymyza örän şatdyrys” diýdi.