Ysraýyl 2025-nji ýylyň oktýabr aýyndan bäri dowam edýän ot açmagy bes etmek baradaky ylalaşygyň düzgünini bozmagyny dowam etdirýär we Gaza zolagynyň dürli sebitlerinde guran soňky hüjümlerinde dört palestinalynyň ölümine sebäp boldy.

Saglygy goraýyş habar çeşmeleri ölenleriň arasynda Gazadaky Saglygy goraýyş ministrliginiň baş direktory Munir al-Burşyň oglunyň hem bardygyny tassyklady.

Gaza şäheriniň gündogaryndaky Şujaiýýe etrapçasynda Ysraýylyň uçarmansyz howa ulagynyň guran hüjüminde bir palestinaly öldürildi.

Gazanyň merkezindäki Nusaýrat bosgun düşelgesiniň demirgazygynda Ysraýyl goşunynyň ot açmagy netijesinde ozal ýaralanan palestinaly gyz hem ýogaldy.

Gaza şäheriniň demirgazygyndaky Şeýh Rydwan etrapçasynda Ysraýylyň uçarmansyz howa ulagy raýat ulagyny nyşana aldy, netijede bir palestinaly öldürildi we ýedi adam ýaralandy.

Saglygy goraýyş habar çeşmeleri ýaralananlaryň arasynda iki gyzyň bardygyny, olaryň biriniň ýagdaýynyň agyrdygyny habar berdi.

Ysraýyl 2023-nji ýylyň oktýabr aýyndan bäri Gazadaky genosid hüjümlerinde aglabasy zenanlardan we çagalardan ybarat bolan 73 müňden gowrak palestinalyny öldürdi we 174 müňden gowrak adamy ýaralady.