Türkiýäniň Çernogoriýadaky Ilçisi paýtagt Podgorisada geçen hepdäniň ahyrynda garadagly raýatlardan birinin pyçaklanmagyna goşulandygy öňe sürülýän türk raýatlary bilen bagly gyssagly we giňişleýin derňew işiniň geçirilmegi üçin çagyryş etdi. İlçi wakanyň türk jemgyýetine garşy meçew bermä öwrülmeli däldigini nygtady.

Respublikanyň 102 ýyllygy we Respublika baýramçylygy mynasybetli banketde çykyş eden Baryş Kalkawan Çernogoriýanyň degişli edaralaryndan “türk raýatlarynyň goşulyşandygy öňe sürülýän pyçaklama jenaýatynyň gyssagly we doly ýüze çykarylmagyny, jenaýatçylaryň bolsa dessine adalata tabşyrylmagyna garaşýandyklaryny” beýan etdi.

Kalkawan: “Şahsy jenaýatyň türkleri garşy meçew bermä öwrülmegi gynandyryjy waka. Her gün dükanda, kafede, köçede salamlaşýan we söhbetdeş bolýan ýaşlarymyza ýüzlenesim gelýär; birnäçe  prowokatoryň alyna düşmäň. Türkiýe döwleti degişli wakalar we olaryň netijeleri boýunça gerek bolan ähli başlangyçlary eder. Emma men wagtyň geçmegi bilen öz wyždanlaryňyz hem wakany seljerer” diýdi.

Kalkawan Türkiýe bilen Çernogoriýanyň 146 ýyldan gowrak dowam edýän taryhy diplomatik gatnaşyklarynyň bardygyny we Çernogoriýanyň parahatçylygynyň hem-de abadançylygynyň Balkanlardaky durnuklylyk üçin iňňän möhümdigini nygtady.

“Ýokary tagallalar”

Ilçi soňky günlerde Çernogoriýanyň raýatlarynyň esasy böleginiň türk jemgyýeti bilen arkalaşýandygyny beýan edip, iki ýurduň arasyndaky gatnaşyklary “çuňňur, köp ugurly we ähli meçew bermeleri ýeňip geçjek güýje eýe” diýip, häsýetlendirdi.

Çernogoriýada ýaşaýan türk raýatlaryna hem türk hem-de Çernogoriýanyň häkimiýetleriniň howpsuzlygy üpjün etmek ugrunda “uly tagalla” edýändigine ynandyrdy.

Çernogoriýanyň habar beriş serişdelerinde “Podgorisada türk raýatlarynyň gatnaşmagynda pyçakly hüjüm guralandygy” hakynda habarlar çykypdy. Hüjümde ýaralanan raýatyň ölüm howpunyň ýokdugy beýan edildi.

Wakadan soň Çernogoriýanyň Premýer-ministri Miložko Spajiç X paltformasyndan beren habarnamasynda türk raýatlaryna wyzasyz syýahat düzgüniniň wagtlaýynça bes edilendigini habar beripdi. Bu karar paýtagtyň käbir etraplarynda dartgynlyklaryň artmagy we türklere garşy diskurslar bilen, kiçi porotestçi toparyň deport çagyryşlaryny edýän günlerinde kabul edildi.

Türk hâkimiýetleri we Podgorisadaky ilçihana duşmançylykly diskurslary ýazgaryp, wakanyň iki ýurduň arasyndaky uzak möhletli dostlukly gatnaşyklara zyýan ýetirmeli däldigini nygtadylar.