Duşenbe güni çap edilen habra görä, Birleşen Arap Emirlikleri ABŞ bilen Ysraýylyň Eýrana garşy alyp baran bilelikdäki urşunyň dowam edýän günlerinde Eýrana garşy gizlinlikde birnäçe hüjüm gurady.
“Wall Street Žournal” gazetiniň berýän habaryna görä, hüjümleriň birinde Eýranyň Lawan adasyndaky nebiti gaýtadan işläp çykarýan desga nyşana alyndy.
Habara görä, ABŞ-nyň Prezidenti Donald Trampyň Eýran bilen atyşygyň bes edilmegi üçin tagalla edýän günlerinde nebiti gaýtadan işläp çykarýan desga aprel aýynyň başynda uly hüjüm guraldy. Hüjüm sebäpli desga ýandy we hatardan çykaryldy.
Eýran hem Birleşen Arap Emirliklerine we Kuweýde dron we raketa hüjümini guramak bilen gaýtawul görkezdi.
ABŞ-nyň Birleşen Arap Emirlikleriniň urşa goşulmagyna kanagatlanma bildirendigi nygtaldy.
Gazet Eýranyň BAE-ne Ysraýyl we beýleki ýurtlar bilen deňeşdirilende has köp hüjüm gurandygyna ünsi çekdi.
Eýranyň BAE-ne 2800-den gowrak dron we raketa hüjümini gurandygy bellenildi.
Hüjümler BAE-niň ykdysadyýetine uly zeper ýetirdi, köp sanly adam işden çykaryldy ýada işlerine wagtlaýyn arakesme berildi.
