Günorta Koreýanyň Goranmak ministrligi, Demirgazyk Koreýanyň ýadro we raketa howplaryna garşy durmak maksady bilen Günorta Koreýanyň, ABŞ-nyň we Ýaponiýanyň gatnaşmagynda 11-nji iýulda bilelikdäki howa türgenleşiginiň geçirlendigini habar berdi.
Günorta Koreýanyň Goranmak ministrliginden berlen beýannama görä, Demirgazyk Koreýa tarapyndan abanýan ýadro we raketa howplaryna garşy degişli çäreleriň görülmegi maksady bilen geçirlen türgenleşigiň çäginde ABŞ-nyň B-52H kysymly strategik bombardyman uçary Koreýa Ýarymadasyna geldi. Şeýlelikde 2025-nji ýylda B-52H kysymly strategik bombardyman uçary ilkinji gezek sebitde geçirlen türgenleşige gatnaşýar
“Ýonhap” habarlar gullugyna görä, türgenleşik Günorta Koreýanyň Žežu adasynyň golaýyndaky halkara howa giňişliginde geçirildi.
Howa türgenleşigine ABŞ-nyň strategik bombardyman uçary bilen birlikde Günorta Koreýa degişli KF-16 we Ýaponiýa degişli F-2 harby uçarlary gatnaşdy.
Şuňa meňzeş türgenleşik bir aý ozal 18-nji iýunda geçirlipdi. Howa türgenleşigi Günorta Koreýanyň Prezidenti Li Že-Mýungyň gatnaşmagynda geçirlen ilkinji türgenleşik hökmünde bellige alyndy.
Üç ýurduň ýokary çinli harby ýolbaşçylary türgenleşigiň çäginde Seulda möhüm duşuşyk geçirdi. Duşuşykda sebitara howpsuzlyk meselesi bilen üçtaraplaýyn hyzmatdaşlygyň artdyrylmagy meselesi seljerildi.
ABŞ-nyň Baş ştabynyň başlygy goşun generaly Den Keýn, Demirgazyk Koreýa bilen Hytaýyň harby hyzmatdaşlygyna garşy Günorta Koreýanyň, ABŞ-nyň we Ýaponiýanyň howpsuzlyk taýdan edýän hyzmatdaşlygyny artdyrmagynyň möhümdigini nygtady.
Keýn, Günorta Koreýaly kärdeşi admeral Kim Men Su we Ýaponiýaly kärdeşi goşun generaly Ýoşihide Ýoşhida bilen bolan duşuşygyndan soň beren beýannamasynda üç ýurduň Demirgazyk Koreýa bilen Hytaýyň arasyndaky hyzmatdaşlyga garşy howpsuzlyk taýdan edýän hyzmatdaşlygyny artdyrmagynyň möhümdigini belledi.
ABŞ-nyň, Demirgazyk Koreýanyň we Ýaponiýanyň Goranmak ministriniň Seulda geçiren ilkinji üçtaraplaýyn duşuşygy şol bir wagtda ABŞ-nyň Baş ştabynyň başlygy hökmünde Keýniň, Günorta Koreýa guran ilkinji sapary hökmünde bellige alyndy.
