Türkiýe Respublikasynyň Prezidenti R. T. Erdogan, anna güni Gruziýanyň Ahyska/Mesheti sebitinde mesheti türkleriniň köpçülikleýin sürgün edilmeginiň 81-nji ýylynda olary uly hormat bilen hatyralady.
Prezident R. T. Erdogan Türkiýäniň sosial media platformasy Nsosial arkaly beren habarnamasynda“1944-nji ýylyň 14-nji noýabrynda ýüz müňe golaý mesheti türküniň ata ýurtlaryndan sürgün edilmeginyň gynanjyny duýýarys” diýdi.
“Sürgünde ýogalan kowumdaşlarymyza Alladan rehnet dileýärin”diýen Erdogan, sürgüniň 81-nji ýylynda ähli mesheti türklerine gynanç bildirýändiklerini belledi.
Daşary işler ministrliginden berlen ýazmaça beýannamada, 1944-nji ýylyň 14-nji noýabrynda şol döwürde Grusiýa Sowet Respublikasynyň çäklerinde ýerleşýän we Türkiýä goňşy Ahyska/Mesheti sebitinde ýaşaýan ýüz müňe golaý Ahyska türküniň asyrlardan bäri ýaşaýan ýerlerinden zor bilen uzak ýerlere sürgün edilendigi ýatladyldy.
Beýannamada, bu ýolagçylykda müňlerçe adamyň açlyk, sowuk we hassalyk sebäpli ýogalandygy ýatladyldy.
Daşary işler ministrliginden berlen ýazmaça beýannamada “Sürgüniň 81-nji ýylynda sürgünde ýogalan doganlarymyzy uly hormat bilen hatyralaýarys” diýildi.
Mesheti türkleriniň başdan geçiren ähli kynçylyklaryna garamazdan dillerini, ynançlaryny we medeni gymmatlyklary gorap saklandyklaryna we gelejek nesillere ýetirmegi başarandyklaryna üns çekildi.
Türkiýäniň mesheti türkleriniň ata ýurtlaryna dolanmaklary etabyna doly goldaw berýändigi bellenildi.
1944-nji ýylda başdan geçirlen sürgün
1944-nji ýylyň 14-nji noýabrynda Sowet hökümeti, Gruziýanyň Mesheti sebitiniň merkezinde ýerleşýän Ahyskadaky halky “döwletiň howpsuzlygyna wehim salmakda” günäkärledi.
Birnäçe sagadyň içinde zenanlar, çagalar we ýaşulylar bilen birlike 90 müňden gowrak adamy öýlerinden zor bilen çykaryp ýük wagonlaryna doldurdy.
Sürgün edilenler bir aýdan gowrak wagt dowam eden ýolagçylykda Orta Aziýanyň iň çetki etraplaryna getirildi.
Tahyrçylaryň çaklamagyna görä 17 müň adam açlyk, sowuk we hassalyk sebäpli ýolda aradan çykdy.
