Prezident R. T. Erdogan, Palestin döwletiniň ykrar edilmegi baradaky meýilnamasy sebäpli Beýik Britaniýanyň Premýer-ministri Keir Starmeri gutlady.
Prezidentiň ýanyndaky Kommunikasiýalar edarasyndan berlen beýannama görä, iki lider duşenbe güni telefon arkaly söhbetdeşlik geçirdi.
Erdogan bilen Starmer telefon söhbetdeşliginde Türkiýe bilen Britaniýanyň arasyndaky özara gatnaşyklar bilen birlikde sebitara we halkara meseleler boýunça pikir alyşdy.
Gazadaky gumanitar şertleriň gün saýyn agyrlaşýandygyny aýdan Erdogan, wakala diňe alada bildirmegiň ýeterlik bolmandygyna ünsi çekdi.
Ysraýyla hüjümlerini bes etmegi we iki döwletli çözgüde goldaw bermegi üçin basyş edilmeginiň möhümdigine ünsi çeken Erdogan, Türkiýäniň Gaza ynsanperwer kömegini ugratmaga dowam edýändigini, sebitde hüjümleriň bes edilmegi üçin edilýän tagallalara goldaw berýändigini we ýaraşyk gepleşiklerine goşant goşýandygyny sözleriniň üstüne goşdy.
