BMG-nyň Adam hukuklary gullugy anna güni çap eden täze habarnamasynda esasan Günorta gündogar Aziýanyň başda durmagynda halkara derejesinde galplyk operasiýalarynda gynamalaryň, jynsy zorlamalaryň we zulumyň köpelýändigine aýratyn ünsi çekýär.
BMG-nyň Adam hukuklary boýunça ýokary komisary Wolker Turk, hökümetlere korrupsiýa garşy berk çäre görmekleri üçin çagyryş etdi.
2021-2025-nji ýyllarda zamun alynan we birnäçe ýurtda halas edilenler bilen geçirlen gepleşiklere esaslanylýan habarnamada, ejir çekenleriň ýalan iş teklipleri bilen aldanylýandygyny we zor bilen onlaýn galp amallaryny ýerine ýetirmäge mejbur edilendigi nygtalýar.
Habarnamada ejir çekenleriň azykdan mahrum edilendigine, gynalandygyna we ýenjilendigine üns çekilýär.
Emeli hemra arkaly alynan ýazgylar we sebitlerden gelip gowşan habarnamalar, şol operasiýalaryň ¾ böleginiň Mekong sebitinde gün saýyn köpelýändigini görkezýär.
Operasiýalaryň Ýuwaş ummanynda ýerleşýän ada döwleterinde, Günorta Aziýada, Aýlag ýurtlarynda, Günbatar Afrikada we Amerika materiginde ýaýbaňlanýardygy nygtaldy.
Habarnamada galplyk operasiýalarynda şahyslaryň gynama we zuluma sezewar bolmagyna uly alada bildirilýär.
