NBS Nýusa görä, ABŞ-nyň Prezidenti Donald Tramp, penşenbe güni ABŞ-nyň häzirki wagtda Eýrana gury ýer goşunyny ornaşdyrmak islemeýändigini aýtdy.
Tramp Eýranyň Daşary işler ministriniň gury ýer hüjümleri betbagtçylyga sebäp bolar diýen duýduryşyna üns bermedi.
Eýranda häkimiýetiň çalyşmagyny isleýändigini nygtan Tramp “Gysga wagtda içeri girip olary ýok etmek isleýäris” diýdi.
“Ýurdy 10 ýylyň içinde gaýtadan dikeltjek birini islemeýäris” diýen Tramp, täze lideriň nähili bolmalydygy barada käbir garaýyşlarynyň bardygyny nygtady.
Şenbe gününden bäri ABŞ bilen Ysraýylyň guraýan bilelikdäki hüjümlerinde Eýranyň dini lider Ali Hamaneý bilen birlikde ýokary çinli birnäçe harby öldürildi.
Tramp Eýranyň täze lideriniň bellenmegi meselesi bilen gyzyklanjakdygyny aýdypdy.
Tramp Müjteba Hamaneýe garşy
ABŞ-nyň Prezidenti Tramp, penşenbe güni ir ertir Eýranyň täze lideriniň saýlanmagy meselesinde şahsy täsiriniň boljakdygyny nygtaýar we meseläni Wenesuelada Madurodan soňky lideriň saýlanmagyndaky rolyna meňzetdi.
Axiosa beýannama beren Tramp, Eýranyň öldürlen lideri Ali Hamaneýiň ýerine bellenmegine garaşylýan dalaşgärlerden biri hökmünde görkezilen ogly Müjteba Hamaneýi “ýönekeý biri” hökmünde häsiýetlendirdi.
Tramp merhum dini lideriň syýasatlaryny dowam etdirjek mirasçyny kabul etmejekdigini açyk-aýdyň beýan etdi.
Tramp eger şeýle bolan halatynda munyň ABŞ-ny 5 ýylyň dowamynda täze söweşe sezewar edip biljekdigi barada duýduryş berdi.
Eýran Hamaneýiň öldürilmeginden soň heniz dini lideriň saýlanyp saýlanmandygy hakynda hiç hili maglumat bermedi.
Müjteba Hamaneý, Hamaneýiň perzentleriniň iň güýçlisi hökmünde görülýär we 2019-njy ýylda ABŞ-nyň Gazna ministrligi tarapyndan sanksiýa sanawyna alnypdy.
Müjteba Hamaneýiň 2009-njy ýylda Eýranda geçirlen saýlawlardan soň geçirlen protest ýörişleriniň basylyp ýatyrylmagynda ulanylan Basiž güýçleri bilen arabaglanşygynyň bardygy nygtalýar.
