Saýlaw kampaniýasynyň çäginde Alabama ştatyna giden ABŞ-nyň Prezidenti Donald Tramp, saparynyň öňüsyrasynda Ak Tamda metbugata beýannama berdi.

Nebitiň bahasynyň ýokarlamagy baradaky soraglara jogap beren Tramp, “Eýran meselesi çözülen halatynda we bu mesele gysga wagtda çözüler, nebitiň nyrhy aşaklar, belki ozalkysyndan has pese gaçar” diýdi.

Ýewropa ýurtlarynyň ýangyç kynçylygy meselesiniň çözülmegi üçin goldaw berjekdigini aýdan Tramp, bu kynçylygyň hötdesinden gelinjekdigini belledi.

ABŞ-nyň Prezidenti Donald Tramp “Ýewropanyň elinde ýeterlik dizel ýangyjy bar, dünýä ýurtlaryna kömek edip bilerler. Biz hem kömek edip bileris. Eksport gadagançylygyny goýmarys” diýdi.