Ýaponiýanyň günbatarynda ýerleşýän Hiroşima şäheri, 81 ýyl ozal ABŞ-nyň ýadro hüjümine sezevar bolupdy.
Ýadro hüjüminiň 81 ýyllygyna bagyşlanan çärede çykyş eden şäher häkimi, söveşe meçev berýän uly güýçleri tankyt etdi ve ýadro ýaragyny esasy serişde hökmünde ulanmakdan ýüz övürmekleri üçin çagyryş etdi.
Hiroşima Parahatçylyk seýilgähinde geçirlen dabarada parahatçylyk jarnamasyny okan şäher häkimi Kazumi Matusi, “Ýadro ýaragynyň adamzada uly zeper ýetirýändigi meselesine bipervar çemeleşýänler Hiroşimadaky ýada Nagazakidäki ýaly başga bir hüjüme sebäp bolup biler” diýdi.
Matsui käbir syýasy liderleriň ýadro strategiýasyny realistik çemeleşme hökmünde kabul edip ony legallaşdyrmaga çalyşýandygyny belledi.
Ýadro hüjümleriniň 81-nji ýylynda geçirlen dabara ABŞ ve Eýran bilen birlikde 120-ä golaý ýurtdan ve sebitden jemi 50 müň adam gatnaşdy.
ABŞ-na degişli B-29 bombardyman uçarynyň şäheri bombalan pursatlary bolan 08.15-de parahatçylyk jaňynyň çalynmagy bilen birlikde hormatly dymyşlyk edildi.
Hatyralama çäresine Premýer-ministr hökmünde ilkinji gezek gatnaşan Premýer-ministr Sanae Takaiçi, dünýäniň ýadro ýaragyndan saplanmagynyň möhümdigini belledi ve ýadro ýaragynyň öňüniň alynmagy şertnamasyna laýyklykda hereket etjekdiklerini nygtady.
1945-nji ýylyň 6-njy avgustynda Hiroşima atom bombasy bilen guralan hüjümde şäher ýer bilen ýegsan edildi. Atom bombasy 140 müň adamyň ýogalmagyna sebäp boldy.
Üç gün soň Nagazakiýe atylan ikinji bomba sebäpli 70 müň adam ýogaldy.
Ýaponyň 15-nji avgustda boýun egmeginden soň II jahan urşy tamamlanýar.
